जाहले भजन आम्ही नमितो तव चरणा ।
आम्ही नमितो तव चरणा ।
वारुनिया विघ्ने,वारुनिया विघ्ने
देवा रक्षावे दिना || धृ ||
दास तुझे आम्ही देवा तुजलाची ध्यातो ।
देवा तुजलाची ध्यातो |
प्रेमे करुनिया देवा,
प्रेमे करुनिया देवा गुण तुझे गातो ।। १ ।।
जाहले भजन आम्ही नमितो तव चरणां ।
आम्ही नमितो तव चरणां ।
वारुनिया विघ्ने,
वारुनिया विघ्ने देवा रक्षावे दिना ।।
तरी न्यावी सिद्धी देवा हेचि वासना ।
देवा हेचि वासना ।
रक्षूनियां सकळा,
रक्षूनियां सकळा द्यावी आम्हांसी आज्ञा ।। २ ।।
जाहले भजन आम्ही नमितो तव चरणा ।
आम्ही नमितो तव चरणा ।
वारुनिया विघ्ने,
वारुनिया विघ्ने देवा रक्षावे दिना ।।
मागणे ते देवा आता एकची आहे ।
आता एकची आहे ।
तारुनिया सकळा,
तारुनिया सकळा आम्हा कृपादृष्टी पाहे ।। ३ ।।
जाहले भजन आम्ही नमितो तव चरणा ।
आम्ही नमितो तव चरणा ।
वारुनिया विघ्ने,
वारुनिया विघ्ने देवा रक्षावे दिना ।।
जेव्हा सर्व आम्ही मिळू ऐशा या ठाया ।
देवा ऐशा या ठाया ।
प्रेमानंदें लागू ,
प्रेमानंदें लागू तुझी कीर्ती वर्णाया ।। ४ ।।
जाहले भजन आम्ही नमितो तव चरणां ।
आम्ही नमितो तव चरणां ।
वारुनिया विघ्ने,
वारुनिया विघ्ने देवा रक्षावे दिना ।।
सदा ऐसी भक्ती राहो आमुच्या मनी ।
देवा आमुच्या मनी ।
हेचि देवा तुम्हां,
हेचि देवा तुम्हां असे नित्य विनवणी ।।५ ।।
जाहले भजन आम्ही नमितो तव चरणां ।
आम्ही नमितो तव चरणां ।
वारुनिया विघ्ने,
वारुनिया विघ्ने देवा रक्षावे दिना ।।
वारुनियां संकटे आता आमुची सारी ।
आता आमुची सारी ।
कृपेची सावली,
कृपेची सावली देवा दीनावरी करी ।। ६ ।।
जाहले भजन आम्ही नमितो तव चरणां ।
आम्ही नमितो तव चरणां ।
वारुनिया विघ्ने,
वारुनिया विघ्ने देवा रक्षावे दिना ।।
निरंतर आमुची चिंता तुम्हा असावी ।
चिंता तुम्हां असावी ।
सर्वांची लज्जा देवा तुम्ही रक्षावी ।। ७ ।।
जाहले भजन आम्ही नमितो तव चरणां ।
आम्ही नमितो तव चरणां ।
वारुनिया विघ्ने,
वारुनिया विघ्ने देवा रक्षावे दिना ।।
निरोप घेतो आता आम्हा आज्ञा असावी ।
आम्हा आज्ञा असावी ।
चुकले आमुचे काही,
चुकले आमुचे काही त्याची क्षमा असावी ।। ८ ।।
जाहले भजन आम्ही नमितो तव चरणां ।
आम्ही नमितो तव चरणां ।
वारुनिया विघ्ने,
वारुनिया विघ्ने देवा रक्षावे दिना ।।
